Þér er boðið
að taka þátt Geðmaraþoni Geðhjálpar
í tilefni af 35 ára afmæli félagsins í Kringlunni
milli kl. 10.00 og 21.00 þann 9. október næstkomandi.
Afmælisgestir taka þátt í afmælisdagskránni með því að stíga upp á lágan pall á Blómatorgi Kringlunnar og fjalla um geðheilbrigði með einum eða öðrum hætti í afmarkaðan tíma.
Hægt er að tala frá eigin brjósti, flytja ræðu, lesa upp úr skáldsögu/heimildarriti, flytja ljóð, tónlist eða látbragðsleik svo dæmi séu nefnd.
Markmiðið með dagskránni er að fjalla um geðheilbrigðismál með einum eða öðrum hætti allan opnunartíma verslunarmiðstöðvarinnar þennan dag.
Bækur tengdar þema dagsins munu liggja frammi hjá starfsmönnum Geðhjálpar í Kringlunni.
Við hvetjum þig til að taka þátt í dagskránni og láta skrifstofu Geðhjálpar vita hvenær þú vilt stíga á stokk. Þú getur hringt í síma 570 – 1700 eða sent tölvupóst á verkefnisstjori@gedhjalp.is , ago@gedhjalp.is eða linda@gedhjalp.is.
Afmælisgestum og öðrum gestum Kringlunnar verður boðið upp á drykki og afmælistertu í tilefni afmælisins milli kl. 17 og 18 á afmælisdaginn.
Hlökkum til að heyra í þér og sjá þig í Kringlunni!
GEÐHJÁLP
